Семейде шырша безендіру кезінде биіктен құлаған мұғалім ауруханадан шықты

Семейде шырша безендіру кезінде биіктен құлаған мұғалімнің жағдайы белгілі болды, деп хабарлайды Bugin.kz порталы. 

Бұл туралы оқу-ағарту министрі Ғани Бейсембаев айтты. 

“Ол емделіп, қайта қалпына келуі керек. Қажетті шұғыл шаралар қабылданды. Кінәлілер жазаланды, бұл барлығына сабақ болуы керек. Әкімдік мұны өндірістік жарақат деп тани ма, танымай ма тергеу аяқталған соң шешіледі”, - деді министр.

Еске салайық, Семейде №49 мектеп мұғалімі Қуат Айтқалиева қалалық жаңа жылдық шыршаны безендіру кезінде биіктен құлап, зардап шекті.

Ғани Бейсембаев "Мұғалімдерді кәсіби қызметімен байланысты емес жұмыстарға тартуға тыйым салатын" педагог мәртебесі туралы ҚР Заңына үзілді-кесілді қайшы келетінін атап өтті. Осы оқиғадан кейін білім бөлімінің басшысы қызметінен босатылды.