Алдағы күндерге арналған ауа райы болжамы

Қазақстанда аптаның екінші жартысында күн райы қолайсыз болады деп болжанып отыр, деп хабарлайды Bugin.kz порталы.

Синоптиктердің мәліметінше, боран, жаңбыр мен қар түріндегі жауын-шашын, көктайғақ және күшті жел болуы мүмкін. Ауа райының тұрақсыздығы циклондар мен антициклондардың жиі ауысуынан туындайды. Солтүстік пен шығыс өңірлерде бұрқасын күтілсе, батыс аймақтарда жаңбыр мен қар жауады, ал кей жерлерде көктайғақ байқалуы мүмкін. 

Синоптиктердің болжауынша, Атлант және Арктикадан келген ауа массалары республиканың солтүстік жартысында температураны 15-25 градус аяздан минус 10-18 градусқа дейін жылытады. Оңтүстік аймақтарда ауа температурасы 10-15 градус аяздан, ал Жетісу облысында 20-25 градус аяздан 5-13 градус аязға дейін өзгереді, ал таулы аймақтарда температура 16 градустан 21 градусқа дейін ауытқиды. Батыс өңірлерде температура фонында өзгеріс байқалмайды. Сонымен қатар республика аумағында тұман түсіп, жел күшейеді деп болжанып отыр.