“Баладан бас тартамын”: Астанадағы вокзалдан қараусыз жас бала табылды

Астанада вокзал маңында кішкентай бала табылды. Ол медициналық мекемеге орналастырылды, деп хабарлайды Bugin.kz порталы.

Әуелі WhatsApp чаттарында қараусыз қалған бала туралы хабарлама тараған. Онда баланы әдейі тастап кеткені және қалтасында "Баладан бас тартамын" деген жазба бар екені айтылған.

Көлік департаментінің баспасөз қызметі вокзалда қараусыз қалған бала табылғаны туралы деректі растады. Сонымен қатар полиция баланың анасы іздестіріліп жатқанын хабарлады.

"Астана" станциясындағы желілік полиция басқармасы кәмелетке толмаған баланы қауіпті жағдайда қалдыру дерегі бойынша соталды тергеу бастады. Табылған бала профилактикалық мақсатта медициналық мекемеге орналастырылды", – деп мәлімдеді баспасөз қызметі.