Қытайда тағы бір қауіпті вирус тарады

Қытайда маймыл шешек вирусының жаңа кластерлік өршуі анықталды, деп хабарлайды Bugin.kz порталы. 

Бұл туралы кеше, 9 қаңтар күні Қытайдағы ауруларды бақылау және алдын алу орталығы мәлімдеді.

“Жақында Қытайда Ib кіші типті маймыл шешек вирусының кластерлік өршуі анықталды. Инфекция көзі Конго демократиялық Республикасында саяхаттаған шетелдік азаматтан табылды”, - делінген хабарламада.

Жаңа вирус анықталғаннан кейін Қытай және оның Чжэцзян, Гуандун провинциялары, сондай-ақ Пекин және Тяньцзинь қалаларында эпидемиологиялық тексеріс жүргізіліп жатыр. Қытай билігі сақтық шарасы үшін бірлескен алдын алу және бақылау механизмін жедел іске қосты.

Вирус табылған адаммен тығыз байланыста болған адамдар арасында төртеуі ауру жұқтырып үлгерген.