“Менің төсімді ұстады”: жас қыздарға тиіскен ер адамның әрекеті елдің ашуына тиді

Ер адам жас қыздарға зат жазып, оларға тиіскен, деп хабарлайды Bugin.kz порталы abdulla_kz_kz парақшасына сілтеме жасап. 

Блогер Құлпынай Калменова күйеуінің ерсі әрекеттерін жарияға жар салды. Келіншек күйеуі Қолғанат Жұмабаевтың телефонынан кішкентай екі қызбен сөйлесіп, сезім білдіргенін көрген. Ол оқиғаны желіге жариялап, халыққа жағдайды баяндады. Кейін оқырмандарының бірі жазып, Қолғанат Жұмабаевтың тағы бір ісін әшкере етті.

"Сөздеріңнің бәрі шын. Менің ең жақын құрбым болатын. Абай, 89/1 мекенжайында тұрады. Мен де өтірік айтатын шығар деп ойлағам құрбымды. Сол Қолғанат деген “домогательство” жасаған, кеудесінен ұстаған. Ол кезде ол қыз небәрі 12-13 жастағы оқушы болатын. Ал жігіт университетте оқитын. Шынымен психологиялық сау емес болып тұр ғой. Адамдарға жылы сөйлеп, іші-бауырына кіріп кетеді. Өзім де көргем талай рет. Сол кісінің құрбандары көп деп ойлаймын. Жазуға батылы жетпей отырған қаншама. Құрбыма да жібергенмін. Ол да таң қалып отыр”, - делінген Құлпынай Калменоваға оқырманы жазған хатта.

Сол сияқты блогер жазылған хаттарда Қолғанат Жұмабаев қырындап жүр деген екі кішкентай қыздардың құрбылары да бар.

“Апай, мен бұл қыздардың жан құрбысы болғанмын. Ол топта мен де болдым. Бірақ олар мені топтан шығарып жіберді. Ағай менің төсімді ұстады. Мен ол ағайдан қорқамын. Қорқып анама да айтқан жоқпын. Не істеймін, апай? Мына ағайды соттатыңызшы. Мен сізге жақтасамын”, - делінген хаттың мәтінінде.

Блогер Құлпынай Калменова үйіне полиция қызметкерлерімен бірге күйеуі Қолғанат Жұмабаевтың анасы келіп, қорқытып кеткенін көрсетті.