Көмір басып қалған: Шахтадағы жарылыстан кеншілер мерт болды

Пәкістандық Кветтадан 40 шақырым жерде орналасқан Санджи ауданында құлаған көмір шахтасының астынан 12 кеншінің денесін алып шықты, деп хабарлайды Bugin.kz порталы. 

Бұл туралы The Hindu жергілікті порталы мәлімдеді.

Шахта бастығы Абдул Гани Балуж баспасөз мәслихатында құтқару жұмыстары 60 сағатқа созылғанын айтты. Жарылыстан кейін шахтаның негізгі кіреберісіне көмір үйіліп қалған. Сондықтан құтқару жұмыстары ұзаққа созылыпты.

Шенеуніктің айтуынша, үш кеншінің денесі құтқару операциясының бірінші күні, екіншісі екінші күні, ал қалған сегізі кеше, 13 қаңтар күні ғана табылған.

Осы факті бойынша тергеу жалғасып жатыр.