Ұшақ апатынан мерт болған ержүрек бортсерік туралы фильм түсіріледі

Ақтау маңындағы ұшақ апатынан көз жұмған бортсерік Хёкюма Алиева туралы фильм түсіріледі, деп хабарлайды Bugin.kz порталы. 

Фильм түсіруді Әзірбайжанның еңбек сіңірген өнер қайраткері, режиссер, сценарист Зия Шихлинский қолға алды. 

Хёкюма Алиева апат болардан алдын жолаушыларды сабырға шақырып, соңғы сағаттарға дейін өз қызметін адал атқарған. Апаттан аман қалғандар дәл осы қыздың батылдығын атап өтті. 

Хёкюма Алиева 1991 жылы Кяльбаджар ауданында дүниеге келген. Тұрмыстағы бортсеріктің баласы жоқ. Бортсеріктің анасы қызының ерлігін, батырлығын айтып, көзіне жас алды. Ал Хёкюма Алиеваны әкесінің өзі соңғы сапарға шығарып салған еді.

Еске салайық, апат 25 желтоқсан күні болды. AZAL әуе компаниясының Бакуден Грозныйға бағыт алған Embraer ұшағы Қазақстанның Ақтау қаласы маңында құлады. 38 адам қаза тауып, 29 адам жарақат алды.