Үйіне кіріп, ұрып-соққан: Егде жастағы әйелді ауылдасы зорламақ болды

58 жастағы әйелді ауылдасы ұрып, зорламақ болды, деп хабарлайды Bugin.kz порталы.

Бұл туралы “Не молчи” қоры мәлімдеді. Қор мәліметінше, 58 жастағы әйел ұйықтап жатқанда, ауылдасы үйге баса көктеп кіріп, әйелді ұрып-соққан. Кейін зорлауға тырысып, кетіп қалған. Ауыр жағдайда жатқан әйелді таңертең көршісі байқап қалады. Жедел жәрдем шақыртып, әйелді аман алып қалды. Бірақ әлі күнге дейін полиция ер адамды ұстамаған екен. 

Оқиға былтыр, 25 қазан күні болған. Ал 26 қазан күні ер адам үйге қайта келіп, қызынан кешірім сұрап, ақша ұсынған. Ал әйелдің балалары күдіктінің жазасын алғанын қалайды. Олар анасын өздерімен бірге алып кетіпті. Себебі күдікті әлі күнге дейін бостандықта жүр. 

Тергеу 3 айға созылып, тоқтап қалған. Енді зәбір көрген әыелдің туыстары әділдік іздеп, қорға байланысқа шықты.