“Өзіне оқ атқан”: Сарыөзекте сарбаз қаза тапты

Сарыөзектегі әскери гарнизонда сарбаз қаза тапты, деп хабарлайды Bugin.kz порталы. 

Сарбаздың 18 жаста екені мәлім болды. Қайғылы оқиға 14 қаңтар күні болған. 

“2025 жылдың 14 қаңтарында сағат 12:30 шамасында № 12740 әскери бөлімнің мерзімді әскери қызметшісі, қатардағы жауынгер Құрманбек Дастан Маратұлы (туған күні: 04.06.2006 ж.) АК-74 қаруымен жүрек тұсына оқ атты. Сарбаз сол жерде қайтыс болды”, - делінген хабарламада. 

Оқиғаның себептері анықталып жатыр.

Бұған дейін әскерде қаза тапқан сарбаздың ісі бойынша судья марқұмның әкесін сот залынан қуып шыққанын хабарлаған едік.