“Заңсыз жүк болған”: Пойыз бастығы ҚТЖ ревизорын соққыға жықты (ВИДЕО)

"Қазақстан темір жолы" ревизорларына шабуыл жасалды, деп хабарлайды Bugin.kz порталы. 

Видеоны мына сілтемеден көресіз.

Тексерушілер жолаушылар пойызынан 108 келі рәсімделмеген жүкті анықтады. Бірақ тексеріс жанжалмен аяқталып, тексерушілерге қатысты физикалық күш қолданылды. 

Тексеру №77 Маңғыстау – Алматы бағыты бойынша жүретін пойызда (Тараз – Шымкент учаскесі) жүргізілген. Нәтижесінде, 8-вагонда Түрксіб станциясынан Шымкент станциясына дейін жеткізілуі тиіс 108 келі рәсімделмеген багаж анықталды. 

Бұл туралы ҚТЖ баспасөз қызметі мәлімдеме жасады. Олардың ақпаратынша, тексеру жолаушылар пойызының басшысының қатысуымен жүргізілген.

Сонымен қатар вагон жолсерігі мен пойыз бастығы тексеру жүргізген қызметкерге қатысты бейәдеп сөздер айтып, физикалық күш қолданғаны анықталды. Жеңіл дене жарақатын келтіру дерегі бойынша қылмыстық іс қозғалып, тергеу жұмыстары жүргізіліп жатыр.