Әскерге кетіп комадан бірақ шыққан сарбаздың жағдайы белгілі болды

2023 жылдың соңында ми жарақатынан кейін комаға түскен сарбаз Ербаян Мұхтардың жағдайы жақсарды, деп хабарлайды Bugin.kz порталы. 

Бұл туралы Ербаян Мұхтардың заңгері Инга Иманбай айтты. Оның мәліметінше, Ербаянның өміріне қауіп төніп тұрған жоқ. Ыстамбұлда Ербаянның басына сәтті ота жасалған.

"Ол салмақ қосып, роботтың көмегімен қозғала бастады. Өз бетімен аздап тамақ іше бастады. Дәрігерлердің болжамы жақсы, бірақ толық жазылу үшін уақыт қажет", – деді Инга Иманбай.

Еске салайық, Ербаян Мұхтар ұлттық ұланның Алматы қаласындағы 5571 әскери бөлімінде әскери борышын өтеп жүріп, 2023 жылдың желтоқсанында ауыр ми жарақатын алды. Салдарынан сарбаз комаға түсті. Әскери бөлім басшылығы сарбаздың туыстарына Ербаянның дәретханада құлап, басын еденге соғып алғанын айтқан. Алайда сарбаздың жақындары ұлдарының абайсызда құлағанына сенбейді. Ішкі істер министрлігі тергеу барысын өз бақылауына алды. Қазақстандықтар Ербаянның емі үшін 230 млн теңге жинап берді. Қыркүйектің соңында сарбаз Түркияға ем алуға кеткен болатын.