Жолаушы көз жұмды: Атырауда жастардың қатысуымен жантүршігерлік жол апаты болды

Атырауда жантүршігерлік жол апаты болды, деп хабарлайды Bugin.kz порталы. 

Қайғылы жағдай 19 қаңтар күні сағат 23.30 шамасында болған. Атырау-Дамба тас жолында 2007 жылы туған жігіттің басқаруындағы ВАЗ-2170 және 2000 жылы туған жас жігіт басқарған Toyota Camry көлігі соқтығысты. Салдарынан 16 жастағы жолаушы мерт болды.

"Соқтығысу нәтижесінде ВАЗ-2170 көлігінің жолаушысы, 2009 жылы туған жасөспірім оқиға орнында қайтыс болды, сонымен қатар бір жолаушы мен жүргізуші ауруханаға жеткізілді", - деп хабарлады ведомство.

Полиция жол апаты бойынша тергеуді бастады.