“Ақшаны жұмсап қойған”: бойжеткен өзін тонап кетті деп жалған ақпарат таратты

20 жастағы павлодарлық қыз өз іс-әрекетін жасыру үшін өзін тонап кеткендігі туралы жалған ақпарат берді, деп хабарлайды Bugin.kz порталы. 

ІІМ-нің мәліметінше, ол полицияға сөмкесін ұрлап кеткенін айтып, 100 мың теңге мен телефонды жоғалтқанын мәлімдеген. Бірақ тергеу кезінде оның көрсеткен мекенжайы мен айтқан деректері күдік тудырып, бейнебақылау камералары оқиға орнын тіркемегені анықталды. 

Кейін қыз қарызын жабу үшін әжесінің ақшасын жұмсап қойғаны белгілі болды.