Екінші рет: Дональд Трамп АҚШ-тың президенті болып сайланды

Дональд Трамп тағы да АҚШ президенті болып сайланды, деп хабарлайды Bugin.kz порталы.

Кеше, 20 қаңтарда Вашингтонда өткен инаугурацияда Дональд Трамп АҚШ президенті ретінде ант беріп, төртжылдық қызметіне кірісті. 

Жаңа сайланған Дональд Трамп Ақ үйге қайта оралды. Ол ресми түрде АҚШ-тың 47-ші президенті болды.

"Мен Америка Құрама штаттары президентінің міндеттерін орындауға және АҚШ Конституциясын қорғауға ант етемін", - деді су жаңа президент.

Инаугурацияға Трамптың жақындары – жұбайы мен балалары қатысты. Сондай-ақ шараға бұрынғы президенттер Барак Обама, Джордж Буш және Билл Клинтон жұбайларымен келді. Әлемге әйгілі бизнесмен Илон Маск та салтанатты жиынның құрметті қонақтары қатарында болды. Масктың Трамп саясатына қолдау білдіруі көпшіліктің назарын аударды.

Сонымен бірге вице-президент Джей Ди Вэнс те ант беріп, қызметіне кірісті. Еске салсақ, Трамп бұған дейін 2017 және 2021 жылдары АҚШ президенті болған.

Қазақстан президенті Тоқаев Трампқа құттықтау жеделхатын жолдады. 

Мемлекет басшысы жеделхатта Қазақстан мен АҚШ-тың энергетика, ядролық қаруды таратпау және халықаралық қауіпсіздік салаларындағы ынтымақтастығы одан әрі табысты дамитынына сенім білдірген.