“Қауіпсіздігін бақылаған”: Алматыда кәсіпкерлерді бопсалаған “күзетшілер” ұсталды

Алматыда кәсіпкерлерге қысым көрсеткен криминалитет өкілдері ұсталды, деп хабарлайды Bugin.kz порталы. 

Алматы қаласында ресми емес жұмыскерлері қылмыстық ортаның өкілі болған күзет ұйымының заңсыз әрекетін әшкереледі. Олар қақтығыс пен арандату арқылы объектілерді басып алумен айналысқан. Кейіннен “қауіпсіздігін” қамтамасыз еткен.

“Мысалы, өткен жылдың 23 қарашасында фигуранттар криминалдық қамқорлық жасау және ықпал ету саласын кеңейту мақсатында караоке-барға басып кіріп, онда мекеменің иесі мен күзетшілерін ұрып-соққан”, - деп хабарлайды Polisia.kz.

Полицияға 10 күдікті жеткізіліп, олардың алтауы қамауға алынды. Олардың басқа да қылмысқа қатысы бар-жоғы тексеріліп жатыр.