10 адам ажал құшты: Қонақ үйде алапат өрт болды (ВИДЕО)

Қонақ үйлердің бірінен өрт шығып, 10 адам көз жұмды, деп хабарлайды Bugin.kz порталы.

Видеоны мына сілтемеден көресіз.

Қайғылы оқиға Түркияда Болу провинциясындағы Карталкая түрік тау шаңғысы курортындағы қонақ үйде болды. Өрт салдарынан 10 адам қайтыс болып, 32 адам зардап шекті. Өрт 20 қаңтардан 21 қаңтарға қараған түні  болған. Мәліметтерге сүйенсек қонақ үйдің бір бөлмесінен өрт шығып, ол 12 қабатты қонақ үйді түгел шарпыған. 

Түркияның ішкі істер министрі Али Ерликая түнгі сағат 3.27-де өрт туралы хабарлама келіп түскенін айтты. Өрт болған аймаққа 267 қызметкер жіберілген. 

Уақытша эвакуацияланған адамдар қауіпсіз жерлерге көшірілді.