“Уайымын дер кезінде біле алмадық”: Министрлік Сарыөзектегі сарбаз өліміне пікір білдірді

Қорғаныс министрлігінің өкілі Сарыөзектегі солдаттың өліміне қатысты пікір білдірді, деп хабарлайды Bugin.kz порталы. 

Құрлық әскерлерінің бас қолбасшысы Мереке Көшекбаев сарбаз өліміне басшылық кінәлі болуы мүмкін екенін айтты. 

“Бәлкім, өлімнің себебі басшылықтың жеке құраммен жұмысындағы жеке олқылықтарда жатуы мүмкін. Әскери қызмет талаптарына енді үйреніп жатқан Дастанның ішкі уайымын дер кезінде анықтай алмадық”, – деді бас қолбасшы Мереке Көшекбаев.  

Сондай-ақ құрлық әскерлерінің бас қолбасшысы трагедияға дейінгі болған кейбір мәліметтерді айтты. 

“Қатардағы жауынгер Құрманбек Дастанмен бөлім командирі жеке әңгімелескен. 12 қаңтарда сарбаздың ата-анасы келген. Күні бойы Дастан ата-анасымен бірге болған. Кездесуден кейін Дастан мен оның ата-анасы әскери бөлімнің басшылығына және құқық қорғау органдарына сұрақтармен жүгінбеді. Сарбаздың әскери ұжыммен, офицерлермен, сержанттармен қарым-қатынасында ешқандай мәселе болмаған”, - деп сендірді Көшекбаев.

Оның айтуынша, қазір қаруды сақтау ережесін сақтамау дерегі бойынша қылмыстық іс тергеліп жатыр.

Еске салайық, бұғаүн дейін Сарыөзек гарнизонында сарбаз басына оқ тиіп мерт болғанын хабарлаған едік.