"Семей орманы" өрті: кінәлі азаматтарға сот үкімі шықты

Бас прокуратура "Семей орманы" өртіне байланысты барлық қылмыстық іс бойынша түпкілікті шешім қабылдады, деп хабарлайды Bugin.kz порталы. 

Нәтижесінде "Семей орманы" МОТР өртінің сөндірілуін қамтамасыз етпеген уәкілетті мемлекеттік органдардың лауазымды тұлғаларына қатысты сотқа дейінгі тергеу аяқталды.

Қылмыстық істің қорытындысы:

• 2024 жылғы мамырда Резерваттың бас директорының міндетін атқарушысы мен Новошулбинск филиалының директоры өрт қауіпсіздігі талаптарын бұзғаны үшін кінәлі деп танылды. Сот үкімімен олар 7 жылға бас бостандығынан айырылды (ҚК-нің 292-бабының 3-бөлігі). Бұл өрт абайсызда екі немесе одан да көп адамның өмірін қиған.
• 2024 жылғы тамызда Абай облыстық апелляциялық соты үкімді өзгеріссіз қалдырды, сотталғандардың және олардың адвокаттарының шағымдары қанағаттандырылмады.
• 2024 жылғы қазанда Семей қаласының №2 соты Резерваттың ақпараттық технологиялар және байланыс бөлімінің бастығын салғырттық үшін кінәлі деп тапты. Ол мемлекеттік қызметте 3 жыл мерзімге лауазым атқару құқығынан айырылып, 2 жылға бас бостандығынан айырылды.
• Сол жылдың қазан айында Бородулиха аудандық соты «Қазақ ормандарды авиациялық қорғау және орман шаруашылығына қызмет көрсету базасы» РМҚК бас директорының міндетін атқарушысына үкім шығарды. Ол да 2 жылға бас бостандығынан айырылып, мемлекеттік қызметте 2 жылға лауазым атқару құқығынан айырылды (ҚК-нің 371-бабының 2-бөлігі).

Қосымша шаралар:

Бас прокуратураның ұсынысымен Экология және табиғи ресурстар министрлігі мен Төтенше жағдайлар министрлігінің 10 қызметкері тәртіптік жауапкершілікке тартылды. Сондай-ақ, орман және табиғатты қорғау саласының қызметкерлерін әлеуметтік тұрғыда қорғау деңгейін арттыру мақсатында нормативтік-құқықтық актілерге бірқатар өзгеріс енгізілді.

Осылайша, "Семей орманы" оқиғасына байланысты барлық жауаптылар тиісті жазаларын алды.