Астанада арнайы жасақ жігіттерін ұрып кетті

Астанада арнайы жедел әрекет ету жасағының жігіттерін бір топ жігіт соққыға жықты, деп хабарлайды Bugin.kz порталы. 

Бұл туралы Михаил Козачков өзінің  телеграм арнасында жазды. 

Алдын ала ақпараттарға сәйкес, 2025 жылдың 21 қаңтарында бір топ жігіт көшеде жасақ қызметкерлерін ұрып-соққан. Қылмыс Мәнгілік Ел даңғылында, аудандық полиция бөлімінің маңында болған. Шабуылдаған адамдар саны бесеу екен.

Астана полициясы арнайы жедел әрекет ету жасағының қызметкерлеріне жасалған шабуылды тергеп жатыр. Шабуыл жасау фактісі бойынша қылмыстық іс қозғалды.

"Полиция департаменті алған факт бойынша қылмыстық іс қозғады, оның қорытындысы бойынша процессуалдық шешім қабылданады. ҚР Қылмыстық-процестік кодексінің 201-бабына сәйкес, басқа да мәліметтер жарияланбайды", - делінген хабарламада.