Көкшетауда дәрігерлерге қоқан-лоқы көрсеткен ерлі-зайыпты жазаланды

Көкшетауда кішкентай баланың үстіне жиһаз құлап, саусақтары қатты жарақаттанған соң, дәрігерлер оның үш саусағын кесуге мәжбүр болған. Алайда бұл шешімге келіспеген ата-анасы медициналық мекемеде жанжал шығарып, дәрігерлерге қол көтерген, деп хабарлайды Bugin.kz. 

Сот мәліметінше, азамат М. анестезиолог дәрігердің жағасынан ұстап, балағат сөздер айтқан, ал оның жұбайы А. травматолог дәрігерге тіл тигізіп, үстел үстіндегі заттарды лақтырып жіберген.

Сот шешімі бойынша, баланың әкесі екі тәулікке қамауға алынса, анасына 30 АЕК көлемінде (117 960 теңге) айыппұл салынды.