Оңтүстік Корея президентіне ресми түрде айып тағылды

Оңтүстік Корея президентіне "бүлік шығарды" деген айып тағылды, деп хабарлайды Bugin.kz порталы. 

26 қаңтарда прокурорлар президент Юн Сок Ёльге елде әскери жағдай енгізу арқылы "бүлік шығарды" деген айып тағып, сот отырысы басталғанға дейін 6 ай бойы қамауда қалдыру туралы шешім шығарды.

Yonhap басылымының жазуынша, Юн елдің бұрынғы қорғаныс министрі және басқа да лауазымды тұлғалармен бірігіп, 2024 жылдың 3 желтоқсанында заңға қайшы әскери жағдай енгізуге тырысқаны үшін сотқа тартылды. Олар бұл ойын қандай да бір соғыс, қарулы қақтығыс немесе ұлттық дағдарыс белгілері болмағанына қарамастан іске асырғаны айтылған.

Бұдан басқа Юн Сок Ёль парламентте әскери жағдайды жоюға қарсы дауыс беру процесін бұзу үшін әскер жіберді, оппозиция жетекшілерін және сайлау комиссиясы өкілдерін тұтқындауға әрекеттенді деп айыпталып отыр. 

Шеттетілген Президенттің адвокаттары айыптауларды заңсыз деп санайды. 

Ол Оңтүстік Кореяда қамауға алынған алғашқы президент. Желтоқсан айының басында Юн елде әскери жағдай енгізуге тырысты. Содан соң парламент оны "бүлік шығарды" деп айыптап, импичмент жариялады.