Мұғалім тақтада тұрған оқушыға шеге тығамын деп, жұмыстан қуылды (ВИДЕО)

Павлодарда мұғалім тақтада есеп шығарып тұрған оқушыға бұрандалы шеге тығып алған, деп хабарлайды Bugin.kz порталы. 

Видеоны мына сілтемеден көресіз.

Оқиға сыныптағы бейнебақылау камерасына түсіп қалды. 

"Тоғызыншы сыныпта алгебра сабағында математика пәнінің мұғалімі тақтада тұрған оқушының жанынан өтіп бара жатып, оны белгісіз затпен нұқып жіберген. Мұғалімнің бұл әрекеті бақылау камерасына түсіп қалған. Видеода мұғалімнің шкаф бұрандасын шығарып алып, бұранданы оқушыға тығып алғанын көруге болады", – деп түсіндірді Павлодар қалалық білім басқармасының басшысы Қуаныш Қыдралин.

Оның айтуынша, медбике мектеп оқушысын тексерген, алайда бұранданың ізін байқамаған.

"Баланы жедел жәрдем бригадасы да тексеріп, ешқандай жарақат анықтай алмады. Ата-анасына облыстық балалар ауруханасына сіреспеге қарсы екпе жасату ұсынылды, бірақ ата-анасы жеке емханаға барамыз деп бас тартты. Мұғалім оқушының ата-анасынан кешірім сұрады", – деді білім басқармасының басшысы.

Қазір полиция оқиғаның мән-жайын анықтап жатыр. Мұғалім істеген ісі үшін жұмыстан босатылды.