Жанар-жағармай бағасы келесі айдан бастап өседі

Жанар-жағармай және газ бағасы ақпан айында өседі, деп хабарлайды Bugin.kz порталы. 

Бұл туралы Энергетика министрі Алмасадам Сәтқалиев айтты.

"Мұнай өнімдері бағасының өсіміне келсек, Президент жанындағы энергетикалық кеңесте тиісті шешім қабылданды. Бұл жанар-жағармай бағасын либерализациялауға қатысты. Сұйытылған мұнай газының бағасы кезең-кезеңмен біртіндеп өсетін болады. Тауар газы бойынша бағаның өсіміне қатысты белгілі бір индикаторлар бар", - дейді министр.

Энергетика министрінің айтуынша, жанар-жағармай бағасының қымбаттауы басқа тауарлардың қымбаттауына әсер етпейді.

“Үкімет бағаны бақылау бойынша нормативтік және әкімшілік шараларды сақтап қалады. Яғни, бұл әлеуметтік маңызы бар тауарлардың бағасының күрт өсуіне жол берілмейді. Осы жылдың ақпан айында мұнай өнімдері бағасының кезең-кезеңімен өсуі күтіліп отыр. Сондай-ақ сұйытылған газдың бағасы да жақын арада өседі деп болжанып отыр. Ал тауарлық газдың бағасы осы жазда өседі”, - деді Алмасадам Сәтқалиев.