Алимент төлемей жүрген мекеме басшысының қарызы 4,5 миллион теңгеге жетті

Ақмола облысы Бұланды ауданында алимент төлемегендерге қатысты екі қылмыстық іс қозғалып, олардың біреуі сотқа жіберілді, деп хабарлайды Bugin.kz порталы. 

Прокуратураның мәліметінше, борышкердің алимент төлеуге нақты мүмкіндігі болған. Ол жауапкершіліктен қашып, ұзақ уақыт бойы өз міндеттерін орындамаған. Айта кетсек, борышкер – жауапкершілігі шектеулі серіктестің директоры. Оның балаларына қарызы 4,5 миллион теңгеден асып кеткен.

"Іс сотқа жіберілгеннен кейін ғана борышкер қарызын толық өтеп, қылмыстық іс бойынша өндіріс тоқтатылды.

Еске саламыз, алимент төлемегені үшін, яғни міндеттемелерін үш айдан астам уақыт бойы орындамағандар екі жылға дейін бас бостандығынан шектеу немесе сол мерзімге бас бостандығынан айыру түріндегі жазаға тартылуы мүмкін", – деп мәлімдеді прокуратура өкілдері.