Жаңаөзен тұрғыны танысынан жалаңаш фотосын таратамын деп ақша бопсалаған

Танысының интимдік фото мен видеосын таратамын деп қорқытқан жаңаөзендік тұрғын ұсталды, деп хабарлайды Bugin.kz порталы. 

Ер адам танысынан 600 мың теңге бопсалаған. Тергеу барысында қылмыстық құқықбұзушылық жасады деген күдікпен 2004 жылы туған Жаңаөзен тұрғыны анықталып ұсталды. Тергеу барысында күдіктінің танысын интимдік фото және бейнематериалдарды таратамын деп қорқытып, одан 600 мың теңге бопсалағаны белгілі болды.

Қылмыс мән-жайы тергеу іс-шаралары аясында анықталып жатыр. Аталған факті бойынша қылмыстық іс қозғалды. Тінту барысында күдіктіден қылмыстық әрекетті растайтын заттай айғақтар мен қылмыстық жолмен алынған 300 мың теңге тәркіленді.

Полиция қызметкерлері күдіктінің кінәсін толық анықтау мақсатында қажетті тергеу іс-шараларын жүргізіп жатыр.