Түркістан облысында газ баллоны жарылды: 6 адам зардап шекті

Түркістан облысында жер үйде газ баллонының жарылуы салдарынан 6 адам термиялық күйік алды, деп хабарлайды Bugin.kz порталы. 

Оқиға 2025 жылдың 27 қаңтарында кешкі сағат 20:40-та Созақ ауданы, Аққолтық ауылы, Арқабаев көшесі 21 мекенжайында болған. Жарылыстан кейін үйдің 180 шаршы метрі толығымен қираған. Мәліметке сүйенсек, өрт шықпаған.

“Өрт сөндіру бөлімшесі келгенше көршілері үйінді астынан термиялық күйік шалған 6 адам, оның ішінде 5 баланы алып шығып ауруханаға жеткізді”, - деді Созақ ауданының Төтенше жағдайлар бөлімінің бастығы азаматтық қорғау подполковнигі Қанат Ақбаев.

Жарылыс салдары әлі анықталып жатыр. Үйінділерді ашу барысында 20 шаршы метр төбе жаппасы жанып, өрт 21:55-те оқшауланып, сағат 23:12-де толық сөндірілген.

Оқиға орнына арнайы топтар мен техникалар жіберілген. Олардың арасында өрт-сынақ зертханасы, психологтар мен құқық қорғаушылар бар.