Атышулы Хасан Қасымбаевқа қатысты бір ғана қылмыстық іс қаралып жатқаны рас па? Ресми мәлімдеме

Алматы облысының полиция департаменті атышулы Хасан Қасымбаевқа қатысты БАҚ беттерінде тараған ақпаратты жоққа шығарды, деп хабарлайды Bugın.kz порталы.

"Хуторский Хасан" лақап атымен белгілі Алматы облысы Талғар ауданының тұрғыны Хасан Қасымбаевқа қатысты "адам денсаулығына ауыр зиян келтірді деген" қылмыстық іс қаралып жатқан жоқ. Сотқа дейінгі тергеу аясында сот Қасымбаевты қамауға алуды ұзарту туралы шешім қабылдады. Оған қатысты іс Адам ұрлау фактісі бойынша тергелуде. Қазіргі уақытта барлық қажетті тергеу әрекеттері жүргізілуде", – делінген басылым материалында.

Атап айтқанда, оған адам ұрлау, денсаулыққа ауыр зиян келтіру және бопсалау фактілері бойынша іс қозғалған. Сонымен қатар Қасымбаевты қамауда ұстау мерзімі ұзартылғаны белгілі болды.

Айта кетейік, бұған дейін Курсив басылымы Хасан Қасымбаевқа қатысты бір ғана қылмыстық іс қаралып жатқаны туралы ақпарат таратқан еді.

Еске салайық, 2024 жылдың қарашасында Талғарда Шерзат Болаттың өлімінен кейін елге танылып кеткен Хасан Қасымбаевты полиция ұстап әкеткен еді. Ол 2021 жылы тұрғынның денсаулығына ауыр зақым келтіргені үшін екі айға қамауға алынды. 

"Сотқа дейінгі тергеу аясында сот Қасымбаевты қамауға алуды ұзарту туралы шешім қабылдады. Оған қатысты іс адам ұрлау фактісі бойынша тергеліп жатыр. Қазіргі уақытта барлық қажетті тергеу әрекеттері жүргізіліп жатыр”, - деп мәлімдеді Алматы облысы полиция департаменті.