Таразда сауда орталығында бомба бар деген хабар түсті (ВИДЕО)

Кеше, 28 қаңтар күні Таразда “Айырылмас” сауда орталығында бомба бар деген хабар тарады. Сауда орталығы осыған байланысты эвакуацияланды, деп хабарлайды Bugin.kz порталы. 

Видеоны мына сілтемеден көресіз.

Ішкі істер министрлігінің мәліметінше, белгісіз адам ғимаратқа 75 килограмм тротилден жасалған жарылғыш құрылғы қойылғаны туралы хабарлаған екен. 

Сауда орталығының аумағы қоршауға алынды. Оқиға орнында полиция қызметкерлері, ТЖМ мамандары және өрт сөндірушілер жұмыс істеді.  

“Жылдам қимылдайтын арнайы жасақ пен кинологтар іздестіру иттерімен аталған ғимаратқа тексеру жұмыстарын жүргізді. Ешқандай жарылғыш құрылғылар анықталған жоқ. Сонымен қатар жедел-іздестіру іс-шараларының нәтижесінде хабарлама жіберушінің IP мекенжайы анықталды. Ақпаратты таратқан адам анықталып жатыр”, – деп мәлімдеді полиция департаменті.

Қазіргі таңда, терроризм актісі туралы жалған хабарлау дерегі бойынша сотқа дейінгі тергеу амалдары басталды.