Іздеудегі продюсер Дана Орманбаева туралы тың дерек шықты

25 қаңтарда қазақстандық журналист және продюсер Дана Орманбаеваға халықаралық іздеу жарияланды, деп хабарлайды Bugin.kz порталы. 

Продюсердің орналасқан жерін анықтаумен интерпол айналысады екен. Айта кетейік, Алматы полиция департаменті тергеу бөлімі ұлтаралық араздық қоздыру фактісі бойынша қылмыстық істі тергеп жатқанын хабарлады. 2024 жылдың сәуірінде полиция Орманбаеваның әлеуметтік желідегі мәлімдемесі үшін оның үстінен қылмыстық іс қозғады.

“Ол қайда екенін айта алмаймын. Әлеуметтік желілерде оны БАӘ-де дейді. Әзірге нақты ақпарат жоқ”, - деді бас прокурордың орынбасары Ғалымжан Қойгелдиев.