ҚОҒАМ
Фото: Policia.kz
ТикТок желісінде полиция формасын киіп, тікелей эфирге шыққан қыз жауапқа тартылатын болды. Бұл туралы Шымкент қалалық полиция департаменті мәлімдеді, деп хабарлайды Bugin.kz порталы.
Полиция мәліметінше, жас қыз ІІО-ның беделіне нұқсан келтіретін және оның имиджіне кері әсер ететін, сондай-ақ офицер атағына сай емес әрекеттер көрсеткен.
Тәртіп сақшылары бұл видео авторын анықтап, оның 24 жастағы азамат екенін айтты.
"Полицияның нысанды киімін заңсыз кигені үшін құқық бұзушыға қатысты әкімшілік хаттама толтырылды. Нысанды киім тәркіленіп алынды. Полиция айырым белгілері және (немесе) нышаны бар әскери киім нысанын, сондай-ақ нысанды және арнаулы киімді заңсыз киіп жүру (пайдалану) құқық бұзушылыққа жататынын ескертеді. Бұл үшін нысанды киім тәркіленіп, әкімшілік айыппұл салынады", — делінген Шымкент қаласы ПД хабарламасында.
Bugin.kz
Қосымшаны жүктеп алыңыз
