Қалғандары іздестірілуде: ұшақ апаты болған жерден 18 адамның денесі табылды

АҚШ астанасы Вашингтонда жолаушылар ұшағы тікұшақпен соқтығысып, өзенге құлағанын хабарлаған едік. Жолаушылар іздестіріліп жатыр, деп хабарлайды Bugin.kz порталы. 

American Airlines әуекомпаниясының мәліметінше, ұшақта 60 жолаушы болған. Кейін экипажда төрт адам болғанын айтты. Ұшақ Потомак өзеніне құлаған. 

Құтқарушылар әзірге 18 адамның өлі денесін тапты. Қалған адамдардың жағдайы белгісіз. Құтқарушылар қалған адамдарды іздеп жатыр. 

Авиация басқармасының дерегінше, жолаушылар ұшағы Sikorsky U-60 әскери тікұшағымен соқтығысқан. Ұшақтардың соқтығысуына ауа райының әсері болмаған.

Еске салайық, бұған дейін АҚШ-та жолаушылар мінген ұшаш апатқа ұшырап, жолаушылар іздестіріліп жатқанын хабарлаған едік.