Трамп мигранттарды тұтқындарды азаптаумен танымал болған түрмеге орналастырмақ

Дональд Трамп федералды үкіметке Гуантанамо әскери базасын АҚШ-тан шығарылған 30 мың мигрантты орналастыру үшін дайындауды тапсырды, деп хабарлайды Bugin.kz порталы. 

Тұтқындарды азаптаумен танымал түрмеде бұрыннан мигранттарды ұстау орталығы бар екен. АҚШ билігі қолданыстағы көші-қон орталықтарын кеңейту үшін осы әрекетке барып жатқанын айтты. 

Гуантанамо әскери базасына баратын 30 мың мигранттың арасында қазақстандықтардың бар, жоғы әлі белгісіз. 

Бұл база Кубада орналасқан. АҚШ бұл аумақты 1903 жылдан бері жалға алып келеді.

“АҚШ үкіметі Кубаның заңсыз басып алынған аумағына мыңдаған мигранттарды мәжбүрлеп жібермекші”, -  деп жазды Куба президенті Мигель Диас-Канель.