Әлі табылмады: Апатқа ұшыраған ұшақ ішінде әлем чемпиондары болған

АҚШ-та апатқа ұшыраған ұшақта мәнерлеп сырғанаудан жұптық әлем чемпиондары Евгения Шишкова мен Ресей құрамасының мүшесі Вадим Наумов болған, деп хабарлайды Bugin.kz порталы. 

Еске салайық, АҚШ астанасы Вашингтонда жолаушылар ұшағы тікұшақпен соқтығысып, өзенге құлағанын хабарлаған едік. Жолаушылар іздестіріліп жатыр. Құтқарушылар әзірге 19 адамның өлі денесін тапты. Қалған адамдардың жағдайы белгісіз.

52 жастағы Шишкова мен 55 жастағы Наумов 1994 жылғы әлем чемпионатының жеңімпаздары. Олар конькимен сырғанаудан әлем чемпионатының күміс және қола жүлдегерлері атанған. Еуропа чемпионатының бір күміс және төрт қола жүлдегері атанды. Мансаптарын аяқтағаннан кейін Шишкова мен Наумова жаттықтырушылыққа ауысқан. Олар 1998 жылдан бері АҚШ-та тұрады.