“Дәрігердің салғырттығы”: Қарағандыда 13 жастағы оқушы көз жұмды

Қарағандыда 13 жастағы оқушы қайтыс болды. Марқұмның туыстары дәрігерлерді кінәлап отыр, деп хабарлайды Bugin.kz порталы. 

13 жастағы Дамир Бұлымбаев дәрігерлердің салғырттығынан көз жұмды. Марқұмның әпкесінің сөзінше, олар үйге үш рет жедел жәрдем шақырған. Тіпті марқұмды емханаға апарған. Алайда дәрігерлер балаға суық тигенін айтып үйіне қайтарып жіберген. Бірақ марқұмның туыстары жедел жәрдемді екінші рет марқұмның балтыры ауырған кезде шақырыпты. Фельдшер келіп, балтырының ауырсынуына спазмолитикалық инъекция жасауды ұсынған. Инъекциядан кейін баланың тынысы тарылған. Бірақ марқұм ауруханаға жатқызылмаған. Келесі күні марқұмның үйіне тағы да жедел жәрдем келді. Алайда ол жолда көз жұмды. 

 Дамир Бұлымбаевтың туыстары дәрігерлерді кінәлап отыр. Облыстық денсаулық сақтау басқармасы істі тәуелсіз сарапшылар тобы тексеріп жатқанын айтты. Қызметтік тергеу нәтижелері бойынша жекелеген медицина қызметкерлерінің заң бұзушылықтары анықталды. Барлық кінәлілер жауапқа тартылады дейді.