Ақтауда 5 жігіт зорлаған қыздың өлімі: басты фигурант өмір бойына сотталды

Ақтауда 5 жігіт зорлағаннан кейін, өзіне қол жұмсаған 29 жастағы қыздың ісі аятқалды, деп хабарлайды Bugin.kz порталы. 

Ақтаулық фитнес жаттықтырушы Алина Серікованың өліміне қатысы бар басты фигурант Нұргелді Сейтқалиев өмір бойына, ал Еркебұлан Аманқос – 16 жылға, Жалғас Үсенғалиев – 13 жылға, Дархан Құлбас – 13 жылға, Аралбай Мерей – 13 жылға сотталды.

Еске салайық, былтыр мамыр айында зорлықтың құрбаны болған қыздың тағдыры елді елең еткізді. 5 жігіт жұмыстан қайтып жатқан қызды көлікке қинап мінгізіп, оған есірткі беріп, зорлаған. Таңға дейін қорлық көрген қыздың атынан жігіттер 2 млн теңге несие рәсімдеген. Үйге келген қыз құрбысына барлық жағдайды айтып, өзі терезеден секіріп, мерт болды.