Жағдайы ауыр: Нәрестесін пәтер алдына тастап кеткен көкек ана ұсталды

Алматы қаласы Түрксіб ауданында тұрғын үй подъезінен табылған сәбидің анасы табылды, деп хабарлайды Bugin.kz порталы. 

Еске салайық, бұған дейін Алматыда екіқабатты үйдің кіреберісінен жаңа туған сәби табылғанын хабарлаған едік. Жаңа туған қыз баланы Чернышевский көшесіндегі үйлердің біріне тастап кеткен. Түрксіб аудандық полиция басқармасы қылмыстық іс қозғады. Сәбидің анасы ұсталды. 

Алматы қаласы денсаулық сақтау басқармасының мәліметінше, нәрестені ауыр жағдайда ауруханаға жеткізілген. Қазір нәресте реанимацияда жатыр. Дәрігерлер оған барлық қажетті көмек көрсетілетінін айтты. 

Полиция нәрестесін тастап кеткен әйелді тапқанын хабарлады. 

“Жедел-іздестіру шараларының нәтижесінде жаңа туған сәбидің анасының жеке басы анықталды. Ол ұсталды және медициналық көмек алу үшін қалалық ауруханалардың біріне жатқызылды”, - деп мәлімдеді ІІМ.