Bugin

Қазақстан футбол құрамасының бас бапкері тағайындалды

Авторларды қолдау орталығы

mediabugin@gmail.com

Фото: ҚФФ

Қазақстан футбол құрамасының бас бапкері міндетін Әлиев атқарады, деп хабарлайды Bugin.kz порталы. 

Қазақстан футбол федерациясы қызметінен босатылған Черчесовтың орнына уақытша бас бапкер ретінде Әли Әлиевтің келгенін ресми мәлім етті.

"Қазақстан ұлттық құрамасы бас бапкерінің міндетін уақытша атқарушы болып отандық маман Әли Әлиев тағайындалды" - деді федерация мәлімдемесінде.

Сонымен қатар, Әли Әлиeвтің көмекшілері болып Нұрбол Жұмасқалиев пен Елдос Ахметов сайланды.

Еске салайық, 27 қаңтар күні футболдан Қазақстан ұлттық құрамасының бас бапкері Станислав Черчесов қызметінен кеткенін хабарлаған едік. 

Еңбек шарты екі жақтың өзара келісімі бойынша тоқтатылды. Станислав Черчесов Қазақстан құрамасының тізгінін 2024 жылдың маусымында ұстады. Оның жетекшілігімен ұлттық құрама УЕФА Ұлттар лигасында 6 матч өткізіп, Норвегия құрамасымен тең ойнап, 1 ұпай жинады. Сондай-ақ Қазақстан құрамасынан жаттықтырушылар штабы толық құраммен кетті.