Ауа райының қолайсыздығына байланысты екі облыста жол қозғалысына шектеу қойылды

“ҚазАвтоЖол” ауа райының қолайсыздығына байланысты Жамбыл және Абай облыстарында көлік қозғалысы уақытша тоқтатылғанын мәлімдеді, деп хабарлайды Bugin.kz порталы.

Жамбыл облысы:

2025 жылғы 31 қаңтар күні сағат 17:00-де боран мен нашар көріну салдарынан «РФ шекарасы (Жайсан өткізу пункті) – Қызылорда – Шымкент – Тараз – Қордай – Алматы – ҚХР шекарасы (Нұр Жолы өткізу пункті)» тас жолының 143-214 шақырым аралығында (Алматы облысының шекарасынан Қордай ауылына дейін) барлық көлік түрлерінің қозғалысына шектеу қойылды.

Жол 1 ақпан күні сағат 10:00-де қайта ашылады деп жоспарланған.

Абай облысы:

2025 жылғы 31 қаңтар сағат 18:00-де ауа райының күрт нашарлауына байланысты «Қарағанды – Аягөз – Тарбағатай – Боғас» тас жолының 383-900 шақырым аралығындағы учаскесі (Қайнар ауылынан Сәтбаев қаласына дейін) барлық көлік түрлері үшін жабылды.

Жол қозғалысын 1 ақпан күні сағат 10:00-де қалпына келтіру көзделіп отыр.

Жүргізушілерге жолға шықпас бұрын ауа райы жағдайын ескеріп, сақтық шараларын ұстану ұсынылады.