Қазақстанның бірнеше өңірінде қар жауып, көктайғақ болуы мүмкін

Алдағы түнде солтүстік, орталық және шығыс өңірлерде қар жауады. Бұл туралы "Қазгидромет" РМК мәлімдеді, деп хабарлайды Bugin.kz порталы.

"Қазгидромет" мәліметінше, фронталды бөліктердің өтуіне орай, түнде солтүстікте, елдің орталығында, шығысында қар жауады, батысында аздаған жауын-шашын (жаңбыр, қар), күндіз солтүстігінде аздаған жауын-шашын (жаңбыр, қар), батысында жауын-шашын (жаңбыр, қар) болады.

Тек республиканың оңтүстігінде антициклон ықпалынан ауа райы жауын-шашынсыз болады.

Еліміз бойынша тұман түсіп, солтүстік пен батыста көктайғақ болуы мүмкін. Сондай-ақ солтүстік, оңтүстік-шығыс және орталық өңірлерде жаяу бұрқасын көтеріліп, жел күшейеді.