Астанада лифтіде пранк жасаған екі жігіт қамауға алынды (ВИДЕО)

Астанада полицейлер "қоғамдық тәртіпті өрескел бұзған" пранкерлерді ұстады, деп хабарлайды Bugin.kz порталы. 

Видеоны мына сілтемеден көресіз.

Астанадағы тұрғын үйлердің біріндегі лифтіде жастар қаруға ұқсайтын затты көрсетіп, жанжал шығарғандай кейіп танытады. Мұны көрген екі жігіт бастапқыда тоқтатуға тырысады. Алайда олар қаруға ұқсас затты көргенде шошып қалады. 

Әлеуметтік желіде тараған видеолардың бірінде азамат Г.А. және оның досы әуелі сөзге келіспей, кейін төбелескендей болады.

Осы кезде Г.А. тапаншаға ұқсас затты шығарып, лифтідегі адамдарды қорқытуға тырысады.

Осы факті бойынша пранкті ұйымдастырған тұрғын ұсталып, полицияға жеткізілді. Оның үстінен бұзақылық жасағаны үшін әкімшілік іс қозғалды және 15 тәулікке қамалды.