4 адам көз жұмды: ШҚО-да жантүршігерлік жол апаты болды

Шығыс Қазақстан облысындағы Күршім – Қалжыр тас жолында жол апаты болды. Қайғылы оқиға салдарынан төрт адам қаза тапты, деп хабарлайды Bugin.kz порталы. 

Бұл туралы өңірлік полиция департаментінің баспасөз қызметі мәлімдеді. Тас жолда Lada Granta және Hyundai Santa Fe көліктері соқтығысқан. Апаттың нақты неден болғаны туралы ақпарат жоқ.

Апат кезінде Lada Granta көлігіндегі жүргізуші мен 3 жолаушы қаза тапты. Hyundai Santa Fe жүргізушісі мен үш жолаушысы жарақат алып, ауруханаға жатқызылды. 

Құқық қорғау органдары қылмыстық іс қозғады.