Ақмола облысында үсіп қалған ер адамның денесі табылды

Ақмола облысы Ерейментау ауданында жоғалған ер адамның үсіп қалған денесі табылды, деп хабарлайды Bugin.kz порталы. 

Алдын ала мәліметтер бойынша, полицияға 1 ақпан күні Ерейментау ауданының аумағында ер адамның жоғалғаны туралы ақпарат келіп түскен. Ер адам 30 қаңтар күні жұмысқа кетіп, қайта оралмаған. Жедел іздестіру іс-шаралары барысында хабар-ошарсыз кеткен адамның денесі табылды. 

57 жастағы ер адамның Балықты ауылында қолөнерші болып жұмыс істегені белгілі болды.

Тексеру кезінде ер адамның денесінен зорлық белгілері байқалмады. Өлімнің алдын – ала себебі бойынша, ер адам суыққа үсіп қалған.