Трамп Газа тұрғындарын елден көшірмекші

АҚШ Газаны секторын өз қарамағына алуды көздеп отыр, деп хабарлайды Bugin.kz порталы.  

Бұл туралы АҚШ президенті Израиль Премьер-министрі Биньямин Нетаньяхумен кездесуінде айтты. Дональд Трамп Газа секторын қару-жарақтан тазартып, оны қалпына келтіретінін мәлімдеді. Жаңа тұрғын үй нысандарын салып, жұмыс орындарын ашпақшы. Сол себепті газалықтарды елден көшіру көзделіп отыр. 

Трамп жергілікті халықты біржолата елден шығару қажет деп санайды. Ол Мысыр, Иордания сынды өзге де араб елдеріне үндеу жасап, Газа тұрғындарын қабылдауды сұрады. 

“Иордания мен Египет келіспегенін білемін. Бірақ, олар да басқа елдер де қабылдайды деп ойлаймын. Газа секторы қирандыға айналған. Қарасаңыз тұруға жарамды ғимарат жоқ. Онда тұру қазір мүмкін емес. Оларға басқа жер керек”, - деді Трамп.