Алматылық тұрғынның шетелден келген мармелад үшін басы дауға қалды

ІІМ шетелден келген есірткі салынған сәлемдемені анықтады, деп хабарлайды Bugin.kz порталы. 

Алматы полициясы қылмыстық сәлемдемені МКД әріптестері мен поштаның қауіпсіздік қызметі қызметкерлерінің көмегімен анықтаған. Полицияның мәліметінше, сәлемдеме 30 жастағы жергілікті тұрғынға келген. Оған АҚШ-тан марихуана мен есірткісі бар мармелад салынған сәлемдеме жіберген. 

“Күдіктінің тұрғылықты жерін тінту барысында жасыл түсті, ерекше иісі бар, өсімдік тектес зат салынған 27 қаптама табылды және тәркіленді. Сот-химиялық сараптама тағайындалды”, - делінген мәліметте.

Аталған дерек бойынша қылмыстық іс қозғалды.

ҚР ҚК-нің 201-бабына сәйкес өзге ақпарат тергеу мүддесіне орай жария етілмейді.