Белгісіз біреу мұғалімге мектепті жарып жіберу туралы хат жолдаған

Атырауда белгісіз біреулер мұғалімге қорқынышты хат жолдады, деп хабарлайды Bugin.kz порталы. 

Олар мұғалімді мектепті жарып жібереміз деп қорқытып, 80 миллион теңге талап еткен. 

Бұл жағдай бүгін, 6 ақпан күні сағат 11:30-да болған. Хат №3 білім ордасында тарих пәнінен сабақ беретін мұғалімге келген. Онда: "көрсетілген банк шотына 80 миллион теңге аудармасаң, сағат 14:00-де мектепті жарып жібереміз" деп жазылыпты. 

Мұғалім тез арада полицияға хабарласқан. Дегенмен хабар жалған болып шыққан. Жағдай білім басқармасы мен полиция қызметкерлерінің бақылауында. Сабақ әдеттегідей жалғасып жатыр екен. Полиция тергеу басталғанын хабарлады.