Қазақстан жастар құрамасы Еуро-2027 іріктеуінде Англиямен бір топқа түсті

Футболдан 21 жасқа дейінгі Қазақстан жастар құрамасының 2027 жылғы Еуропа чемпионатының іріктеу турнирінде кімдермен сынға түсетіні белгілі болды, деп хабарлайды Bugin.kz порталы.

Жеребе тарту рәсімі Швейцарияның Ньон қаласындағы УЕФА штаб-пәтерінде өтті. 
Kazfootbal.kz мәліметінше, Қазақстан жастар құрамасы жеребе барысында бесінші қоржынға түсіп, D тобына орналасты. Енді ұлттық құрама топтық кезеңде Англия, Ирландия, Словакия, Молдова және Андорра құрамаларымен кездеседі.

Іріктеу ойындары 2025 жылдың наурыз айында басталып, 2026 жылдың қазанына дейін жалғасады.

Еске салайық, бұған дейін футзалдан Қазақстан ұлттық құрамасы 2026 жылғы Еуропа чемпионатының іріктеу кезеңінде Дания құрамасын жеңген болатын.