Ақсу аудандық сотының төрағасы жемқорлық бойынша күдікке ілінді

Сыбайлас жемқорлыққа қарсы қызметтің мәліметінше, Жетісу облысы Ақсу аудандық сотының төрағасы Нұрлан Шаймерденовке қатысты жемқорлыққа байланысты тергеу жүріп жатыр, деп хабарлайды Bugin.kz порталы. 

Алайда тергеудің мән-жайы әлі жарияланған жоқ. Ведомство бұл ақпараттың таратылуына Қазақстан Республикасының Қылмыстық-процестік кодексінің 201-бабы шектеу қоятынын алға тартты. Сондай-ақ судьяның ұсталған-ұсталмағаны туралы да ресми мәлімет жоқ.

Ресми органдар әзірге түсініктеме берген жоқ, бірақ Антикор тергеу фактісін растады.