Қайтарылған активтер есебінен Жетісу облысында мектеп салынады

Қайтарылған активтерден Кербұлақ ауданы Көксай ауылында салынатын мектепке 1,4 млрд теңге бөлінді, деп хабарлайды Bugin.kz порталы. 

Мектеп құрылысына қаржы мемлекет басшысының қайтарылған активтер есебінен әлеуметтік маңызы бар жобаларды іске асыру жөніндегі тапсырмасын орындау аясында Арнайы мемлекеттік қордан бөлінген. 

“Қазіргі таңда елді мекенде жалғыз мектеп жұмыс істеп тұр, онда екі ауысымда 53 бала білім алуда. Сонымен қатар білім ошағында спорт және акт залдары, асхана жоқ, пәндік кабинеттер жетіспейді. Жаңа мектеп 60 орынға арналған. Ғимарат заманауи білім беру стандарттарына сәйкес жабдықталады. Нысанның құрылысы білім берудің қолжетімділігі және мектептегі орын тапшылығы мәселесін шешуге мүмкіндік береді. Қазір ауылда 7 жасқа дейінгі 28 бала тұрады", - делінген хабарламада.