Сержант сарбаздарды темекінің тұқылын жеуге мәжбүрлегені үшін сотталды

Әскерде сержант сарбаздарды темекінің тұқылын жеуге мәжбүрлеген, деп хабарлайды Bugin.kz порталы. 

Медициналық рота аумағын тазарту кезінде сержант жерде жатқан темекі тұқылдарын көріп, екі сарбазға оларды жеуді бұйырған. Бірі айтқанын орындаған. Кейін ол тамақтан уланғанын айтып шағымданған.

Келесі күні сержант тағы да сол сарбаздарды шақырып, олардың бірін бірнеше рет тепкілегені белгілі болды. 

Сот барысында сержант кінәсін мойындамай, сарбаздарға тек ескерту жасағанын айтты.

Ақтаудағы 25744 әскери бөлімінің 42 жастағы сержантына 2 жылға бас бостандығын шектеу жазасы берілді. Оған қоса, жыл сайын 100 сағаттан мәжбүрлі еңбек етуге міндеттелді.