Лай көшкінінен 28 адам із-түзсіз жоғалып кетті

Қытайда лай көшкіні болды. 1 адам көз жұмып, 28 адам жоғалып кетті, деп хабарлайды Bugin.kz порталы. 

Төтенше жағдай 8 ақпан күні Қытайдың оңтүстік-батысындағы Сычуань провинциясының Цзиньпин ауылында болған. Оқиға орнында екі тұрғын құтқарылды.

Лай көшкіні 11 үйді басып қалған. 95 үйден барлығы 360 адам эвакуацияланды. Уақытша қоныстандыру пункттері де құрылды. Билік азық-түлік, жылы көрпе-жастық сияқты қажетті заттарды шұғыл жеткізген. 

ҚХР төрағасы Си Цзиньпин іздеу-құтқару жұмысын жеделдетуді тапсырып, табиғи апат салдарымен күреске 11 миллион доллар бөлді.